Biznesmeni Fisnik Syla, i ftuar në emisionin “KAFE SHQETO”, foli për lidhjen e shumëpërfolur me këngëtaren Fjolla Morina. Gjatë intervistës ai u pyet për raportin e tij me Fjolla Morinën pas ndarjes.
“Nuk kam kontakt dhe nuk kam pasur kurrë qejf të njihem si partneri i saj. Unë jam Fisnik Syla ky që jam, unë njihem edhe më parë në portalet Belge si një biznesmen i suksesshëm dhe si deputet në komunën ku jetoj dhe nuk kam qejf të njihem si partneri i saj”– u shpreh Syla.
Gjithashtu u pyet nëse është bërë pishman që është njohur me Fjolla Morinën dhe nëse ruan emocione pozitive ndaj saj.
“Unë jam një njeri që kur të haj, kur të fle me dikë nuk flas keq për atë njeri, pa marrë parasysh që ka mundur të më bëj ai njeri keq, nuk është karakteri im i tillë që të flas për to, ka mbaruar gjithçka dhe nuk kisha pas qejf të flas kurrë për atë person”- tha ai.
I pyetur nëse është bërë pishman për marrëdhënien e tij me Fjollën ai u përgjigj: “Po jam bërë pishman”.
