Detaje të reja janë zbuluar nga ngjarja e rëndë në Devoll, ku një 2 vjecar humbi jetën mesditën e sotme pasi konsumoi një sasi rakie.
Raportohet se i mituri ka marrë një shishe për të pirë ujë, por në fakt shishja ishte e mbushur me raki.
Mësohet gjithashtu se nëna e 2-vjecarit ishte duke kryer punë e shtëpisë, ndërsa e ka gjetur të voglin të shtrirë në dysheme. Familjarët e kanë cuar menjëherë 2-vjecarin në spital, por fatkeqësisht për të ka qenë shumë vonë.
Sipas mjekëve, konsumimi i rakisë i ka bllokuar rrugët e frymëmarrjes 2 vjecarit c’ka ka sjellë më pas humbjen e jetës.
‘Paraditen e sotme, në spitalin e Bilishtit, ka mbërritur i pajetë një i mitur 2-vjeçar, nga fshati Sul, Devoll. Nga të dhënat e para dhe deklarimet e stafit mjekësor, dyshohet se fëmija ka humbur jetën pasi ka konsumuar aksidentalisht një sasi pije alkoolike (raki), nga një shishe që familjarët e kishin lënë në banesë. Grupi hetimor po punon për zbardhjen e rrethanave të ngjarjes’, njoftoi policia.
