Një apartament është përfshirë nga zjarri në Tiranë.
Ngjarja ka ndodhur në rrugën ‘Memo Meto’.
Mësohet se zjarri është vënë qëllimisht nga një prej familjarëve.
Policia bën të ditur se nga zjarri ka mbetur i lënduar 42-vjeçari i cili është afiksuar nga tymi dhe është dërguar në spital.
Tiranë/Informacion paraprak
Më datë 26.05.2022, rreth orës 22:05, në rrugën “Memo Meto”, shtetasi I. A., 42 vjeç, i cili dyshohet se vuan nga probleme të shëndetit mendor, i ka vënë zjarrin banesës së tij.
Në vendngjarje kanë kaluar shërbimet e Policisë dhe zjarrfikëset, të cilat kanë bërë të mundur fikjen e zjarrit dhe nxjerrjen e tij nga banesa.
Shtetasi I. A. si pasojë e asfiksisë është dëmtuar dhe po merr ndihmën e parë mjekësore.
Grupi hetimor ndodhet në vendngjarje dhe po punon për sqarimin e rrethanave të ngjarjes.
