Qeveria ka miratuar sot në mbledhjen e saj disa nga anëtarët e Bordit Mbikqyrës të Agjensisë për Mbështetjen e Shoqërisë Civile.
Mes emrave të miratuar është edhe Iris Luarasi, e cila në studiot televizive shfaqet si një mbrojtëse e flaktë e politikave qeveritare apo Kryeministrit Edi Rama. Dhe duket se kjo është arsyeja pse Rama ka vendosur ta përfshijë në një bord, jo pak të rëndësishëm, dhe që ka të bëjë me kontrollin e shoqërisë civile.
Pjesë e Bordit është edhe ish/deputetja Vasilika Hysi apo ish-mjaftisti, Leart Kola.
Vendimi
EMËRIMIN NË DETYRË TË DISA ANËTARËVE TË BORDIT MBIKËQYRËS TË AGJENCISË PËR MBËSHTETJEN E SHOQËRISË CIVILE
Në mbështetje të nenit 100 të Kushtetutës dhe të nenit 8, të ligjit nr.10093, datë 9.3.2009, “Për organizimin dhe funksionimin e Agjencisë për Mbështetjen e Shoqërisë Civile”, me propozimin e Kryeministrit, Këshilli i Ministrave
V E N D O S I:
Emërimin në detyrë të disa anëtarëve të bordit mbikëqyrës të Agjencisë për Mbështetjen e Shoqërisë Civile, përfaqësues nga organizatat e shoqërisë civile, si më poshtë vijon:
– Z. Bashkim Muça;
– Znj. Iris Luarasi;
– Z. Leart Kola;
– Z. Ylljet Aliçka;
– Znj. Vasilika Hysi.
Ky vendim hyn në fuqi menjëherë dhe botohet në “Fletoren zyrtare”.
K R Y E M I N I S T R I
EDI RAMA
