Gjykata e Tiranës ka caktuar masën arrest me burg për policin Ludian Zaimi i cili vrau me armë zjarri kolegun e tij Caush Saliasi.
Ngjarja ndodhi në 23 maj në ambientet e komisariatit nr. 3 në kryeqytetin e vendin, sapo efektivët kanë zbritur shkallët për të marrë mjetin e shërbimit.
Ndërkohë, në dëshminë e tij para hetuesve Ziami është shprehu se Çaushi e ka ofenduar gjatë momentit të instruktazhin.
Ai shtoi se me Saliasin është konfliktuar edhe më herët kur kanë qenë në krye të detyrë dhe ka theksuar se ai konsumonte alkool.
Gjithçka ka ndodhur në pak minuta, ku kolegët kanë nxituar të transportonin në spital kolegun e plagosur rëndë.
25-vjeçari është ndaluar menjëherë ndërsa në dëshminë e parë ka dhënë si argument bullizimin ku mësohet të jetë shprehur se zgjaste prej disa muajsh.
Agjencia e mbikëqyrjes policore ka nisur të marrë në pyetje shefat e komisariatit dhe efektivët që ishin në mbledhjen e orëve të vona për shpërndarjen e detyrave.
