Një aksident i ka marrë jetën një shqiptari në Itali. Sipas mediave lokale, se viktima është një 42-vjeçar, identiteti i të cilit nuk është bërë i ditur.
Ai ishte duke udhëtuar me makinën e tij kur u përplas me një kamion në Breshia.
Si pasojë e përplasjes së fortë, 42-vjeçari shqiptar humbi jetën menjëherë. Automjeti i tij u shkatërrua tërësisht.
Shkaqet e aksidentit të rëndë nuk dihen, teksa policia nisi hetimet për të zbardhur dinamikën.
Në të njëjtën rrugë, disa minuta pas këtij aksidenti, një tjetër automjet u përplas me një kamion, por pa pasoja në njerëz.
