Thomas, babai i Dukeshës së Sussex-it Meghan Markle, është shtruar në spital pas një goditjeje që pësoi në tru.
77-vjeçari pësoi goditjen përpara se të shkonte në Londër për festimet e Jubileut Platinum të Mbretëreshës. Ai u dërgua me urgjencë në spital të martën herët në mëngjes.
“Babai im po shërohet në spital. Kërkojmë privatësi për familjen, për shëndetin dhe mirëqenien e tij. Ai ka nevojë vetëm për paqe dhe pushim.”, tha vajza e tij, Samantha.
Kujtojmë që Meghan Markle nuk ka një raport të mirë me babain e saj. Ky i fundit ka kritikuar shpesh publikisht të bijën dhe Princin Harry.
