Zbulohet edhe identiteti i autorit të pestë të bandës prej 6 personash, të cilët në bashkëpunim realizuan grabitjen në Qafë-Kashar, të enjten e 9 Shkurtit.
Siç u bë të ditur në emisionin “Opinion” bëhet fjalë për shtetasin Armir Murataj. Nga të dhënat paraprake, dyshohet se ai të jetë larguar nga Shqipëria së bashku me familjen e tij, pavarësisht se është shpallur në kërkim nga ana e Policisë.
Megjithatë Policia ka rrethuar zonën e Farkës, ku mendohet po ashtu që autori të jetë fshehur, teksa operacioni policor vijon.
Ai rezulton të jetë i dënuar më parë në Greqi për vjedhjen e një banke në Larisë, ku u grabitën 1 milionë euro.
Murataj do të arrestohej dhe do të dërgohej të vuante dënimin në burgun e Trikalasë. Por më 20 Maj 2013, Armir Murataj, së bashku me grupin e Ilir Kupës, do të arratisej nga burgu grek.
