Ministri i Drejtësisë Ulsi Manja përmes një deklarate me mediat tha se ka kallëzuar në SPAK drejtoreshën e Agjencinë e Trajtimit të Pronave, Jonida Baci.
Ai bëri me dije se ajo është përfshirë në skema abuzimi me pronat përmes skemave që kanë prodhuar korrupsion thelbësor.
Manja: Jam këtu për të ndarë me opinionin publik rezultatet e një hetimi disa mujor, nga drejtoria antikorrupsion, në agjencinë e trajtimit të pronave. Ka dyshime se njësia antikorrupsion, nëpërmjet hetimeve, për disa skema përfitimi abuzimi dhe korrupsioni, ku janë përfshirë zyrtarët më të lartë të trajtimit të pronave, kjo është goditja më e rëndësishme dhe hetimi më serioz i zhvilluar nga kjo njësi.
Pas një hetimi të gjatë, zyrtarja e agjencisë së pronave rezultojnë të implikuar në veprimtari abuzive përmes skemave që kanë prodhuar korrupsion thelbësor. Kam firmosur kallëzimin që do ia drejtoj SPAK dhe është radha e SPAK të thellojë hetimet.
