Zbardhet ngjarja e ndodhur në zonën e Kombinatit në Tiranë, ku një 60 vjeçar u raportua se ishte plagosur me armë zjarri në këmbë. I plagosuri është identifikuar si Murteza Lika.
Ky i fundit është qëlluar me armë nga Lutfi Gjyli, efektiv i FNSH. I plagosuri u dërgua në spitalin e Traumës, pasi kishte marrë plagë plumbi në këmbë dhe ndodhet jashtë rrezikut për jetën.
Në një njoftimin e shpërndarë për mediat rreth orës 21:20, thuhet se 60-vjeçari është plagosur në rrethana të paqarta.
Madje, policia e quajti të plagosurin me probleme të shëndetit mendor.
Tiranë/Informacion paraprak
Më datë 23.05.2022, rreth orës 20:45, është paraqitur në spital për ndihmë mjekësore, shtetasi M. L., rreth 60 vjeç, banues në Kombinat, i cili në rrethana ende të paqarta, dyshohet se është plagosur në këmbë me armë zjarri.
Nuk dihen rrethanat nëse është vetëplagosur apo e kanë plagosur.
Paraprakisht dyshohet se ky shtetas vuan nga probleme të shëndetit mendor.
Grupi hetimor ndodhet në vendngjarje dhe po punon sqarimin e rrethanave të ngjarjes.
