Disa persona janë ndaluar nga policia me urdhër të Prokurorisë, që dyshohet se janë të përfshirë në grabitjen e 3.2 milionë dollarëve në Qafën e Kasharit.
Në fotot e mëposhtme tregohet momenti i mbërritjes në Drejtorinë e Policisë së Tiranës së furgonëve që transportuan disa prej të dyshuarve. Policët e maskuar dhanë shfaqjen e radhës në sytë e qytetarëve, për të treguar forcën e shtetit dhe se janë duke punuar.
Furgonët ndaluan pothuajse në trotuar për të zbritur të arrestuarit. Zakonisht, automjetet e policisë parkohen në pjesën e brendshme të drejtorisë së policisë së Tiranës.
Në fotot më poshtë është momenti i mbërritjes së dy prej të arrestuarve. Ndërkohë, janë gjetur edhe një pjesë e parave, të cilat kanë prerje njësoj si ato që u grabitën.
