Presidenti i KE-së, Charles Michel tregoi se mbështet Ballkanin e Hapur dhe uroi që të gjithë të bashkohen në këtë nismë.
Sipas tij, sa më shumë vende të jenë pjesë e Open Balkan aq më shumë do të forcohen strukturat ekonomike të vendeve.
Për presidentin e KE, Ballkani i Hapur do të mundësojë afrimin e Ballkanit Perëndimor me Bashkimin Europian.
Kryeministri Edi Rama, gjatë konferencës së përbashkët mes të dyve nga kryeministria në Tiranë, komentoi se është krijuar një mit i gabuar sikur Gjermania është kundër Ballkanit të Hapur.
Deklarata e Michel vjen një ditë pasi ai vizitoi Beogradin dhe presidenti serb Aleksandër Vuçiç postoi një foto në rrjetet sociale me presidentin e Këshillit Evropian, Charles Michel. Ata pozonin të dy duke pjekur bashkë qofte në skarë. “Kemi përgatitur qofte bashkë. Faleminderit Charles Michel për vizitën dhe për mbështetjen e së ardhmes evropiane të Serbisë”, shkroi Vuçiç në një përshkrim të fotografisë në Instagram.
