Një tjetër krim për të cilin Nuredin Dumani ka folur është eliminimi i Dorian Shkozës e Anxhelo Avdias.
Sipas dosjes hetimore, Nuredin Dumani dhe Henrik Hoxhaj, kanë dhënë të dhëna për përfshirjen e tyre në këto dy episode si dhe të shtetasve të tjerë.
Nga deklarimet e tyre të cilat janë në unison me njëra-tjetrën, kanë rezultuar se në vrasjen e shtetasve Dorian Shkoza dhe Anxhelo Avdia në datën 2 Mars 2020, janë të përfshirë të hetuarit Arjan Spahija (i vrarë në Belgjikë), Erjon Alibej, Eljo Bitri, Henrik Hoxhaj, Nuredin Dumani, Klevis Alla, Asllan Plaku.
Në deklarimet e Henrik Hoxhajt dhe Nuredin Dumani, shpjegohet roli dhe veprimet e secilit prej pjesëmarrësve në ngjarjet e datës 02.03.2020 dhe 27.04.2020, të ndodhura në Durrës.
Viktimat që ndodheshin në shoqërinë e njeri-tjetrit u ekzekutuan me armë zjarri.
