Pas pjesëmarrjes së tij në festivalin e Sanremos dhe arritjeve të tij duket se jo të gjithë kanë menduar që Ermal Meta e meritonte të fitonte këtë festival.
Një prej tyre ka qenë reperi Italian Dj.Aniceto, i cili është shprehur se nuk kishte përse të fitonte dikush që nuk ishte italian. “Mund të ishte edhe Fiorello, por më duket e pavend që Sanremon ta fitojë një ekstrakomunitar”,-shkruan Dj në Twitter. Por nuk ka vonuar reagimi i këngëtarit i cili e ka cilësuar mendimin e DJ-it si një budallallëk. Por nuk është mbyllur me kaq, pasi të dy kanë vazhduar me kundërpërgjigjet.
“I dashur Ermal Meta, e kuptoj arrogancën e fituesit, ama nuk është faji im se ke lindur në Shqipëri”, – koment nga DJ Aniceto, i cili e ka bërë këngëtarin të kthejë një përgjigje edhe më të ashpër, duke e krahasuar atë me testikujt.
“Nëse do të zhvillohej një kampionat bo**, ti do të renditeshe i dyti. E di përse? Sepse je një bo**! – shkruan Ermali, koment i cili ka shkaktuar shumë të qeshura te ndjekësit e tij. Meta fitoi çmimin e tretë në Sanremo, çmimin e kritikës dhe koverin më të mirë në festivalin e Sanremos.
