I ftuar në A Show në SYRI TV, ish-drejtori i zyrës së UNESKO-s në Venecia Dr. Englerbert Ruoss ka folur për koncesionin e Butrintit.
Ruoss ka theksuar se sipas dokumentacionit të UNESKO-s përgjegjësia i mbetet gjithnjë shtetit, Ministrisë së Kulturës dhe stafit të cilët do të mbajnë përgjegjësi për menaxhimin e pronës së trashëgimisë botërore të Butrintit.
Ish-drejtori i zyrës së UNESKO-s ka sqaruar se edhe në rastin e delegimit apo qeverisjes së sitit të Butrintit, përsësi ministria do të jetë përgjegjëse.
“Duhet të jemi të vetëdijshëm se ka gjithnjë evolucione edhe në çështjet e trashëgimisë botërore. Dua tju kujtoj se sipas dokumentacionit të UNESKO-s përgjegjësia i mbetet gjithnjë shtetit, Ministrisë së Kulturës dhe stafit të cilët do të mbajnë përgjegjësi për menaxhimin e pronës së trashëgimisë botërore të Butrintit.
Çështjet e gërmimeve dhe kërkimet janë në përgjegjësi e Institutit për monumentet e Kulturës dhe atë të arkeologjisë. UNESKO po kërkon përfshirjen e një strategjie nga poshtë lartë. Nëse ministria dëshiron tja delegojë përgjegjësinë dhe menaxhimin e sitit të Butrintit përsësi ministria do të jetë përgjegjëse. Edhe në modele si Verona përgjegjëse është shteti Italia”, tha Ruoss.
