Nga Durrësi ku kishte takimin e radhës, ish-kryeministri Sali Berisha preku sërish çështjen e inceneratorëve duke akuzuar Ramën si njeriun që ka grabitur paratë e qytetarëve.
Berisha tha se institucionet ia kanë bërë të ditur Ramës se nuk mund të bëhet një praktikë e tillë, por ai vazhdon.
Më tej Berisha hodhi akuza edhe për qytetarët të cilët nuk reagojnë.
“Ne jemi përgjegjës për mosreagim. Ashtu si ndryshuam vetëm të ndryshojmë dhe të tjerët dhe pastaj shohim nëse reagojmë apo jo”, tha Berisha.
Më tej ai iu referua edhe Portit të Durrësit si një nga nyjet më të fuqishme të jetës së Durrsakve dhe një ditë Edi Rama ia vë syrin dhe thotë se do të bëjë Dubain aty.
Berisha tha se Rama ka marr portin 3 mijë vjeçar dhe e çon drejt asgjësimit, duke marr 1 milion metër katror tokë për të ndërtuar me kompaninë e tij apo me klientët e tij pallate.
