Një 35-vjeçar është arrestuar nga policia e Dibrës për armëmbajtje pa leje.
“Specialistët për Hetimin e Krimit në Komisariatin e Policisë Dibër, bazuar në informacionet e marra në rrugë operative se një shtetas mbante armë zjarri në banesë, kanë organizuar punën dhe kanë finalizuar operacionin policor të koduar ‘Radomira’. Si rezultat i këtij operacioni u bë arrestimi në flagrancë i shtetasit B H., 35 vjeç, banues në fshatin Radomirë, Dibër”, njoftoi policia.
Gjatë kontrollit në banesën e tij, shërbimet e Policisë gjetën dhe sekuestruan, në cilësinë e provës materiale, një armë zjarri pistoletë, shtuan të njëjtat burime.
