Një tjetër makinë e djegur në qytetin e Vlorës, në lagjen “4 Heronjtë”.
Mësohet se gjatë natës është djegur një furgon në pronësi të shtetasit Rushit Imeri.
Ky i fundit merrej me grumbullimin e skrapit dhe dyshon se zjarrvënia ka qenë e qëllimshme.
”Dyshoj se ka qenë e qëllimshme. Dyshoj tek personi që ma dogji herën e parë, nëse ka dalë nga burgu, ai mund ta ketë bërë. Ngjarja ndodhi rreth orës dy të natës, policinë e njoftova unë. Shtetit i kërkoj të zbardhet ngjarja dhe të më rregullohet makina”,– u shpreh Imeri pas ngjarjes.
