Deputeti demokrat Agron Shehaj tha në emisionin “Të Paekspozuarit” se procesi i zgjedhjes së Presidentit po trajtohet nga Kryeministri Edi Rama sikur fajin e ka opozita që nuk arrihet konsensusi.
Shehaj tha se opozita nuk i ka votat dhe nga ajo që parashikon Kushtetuta, Presidenti mund të zgjidhet me votat e mazhorancës.
“Edi Rama do e zgjedhë Presidentin vetë në raundin e 4 apo të 5, thjesht ai sot po e sheh si një mundësi për të bërë lojra me opozitën.
Opozita në anën tjetër po merr pjesë në një proces për të mos lejuar Edi Ramën që të thotë që ja ata bojkotojnë, nuk vijnë, ndaj nuk arrihet konsensusi. Në kushte të tilla ne po marrim pjesë në këtë proces, por nuk kemi votat për të vendosur kushte dhe kjo dihet”, tha Shehaj.
