Lideri historik i demokratëve, Sali Berisha, vazhdoi turin e ri në Lezhë dhe Shkodër të dielën.
Ndërkohë sot, Berisha publikoi një mesazh të veçantë nga këto takime.
Berisha risolli në kujtesë Heroin Kombëtar, Skënderbeu.
Ai shkroi se fymëzohet nga kjo figurë historike duke e konsideruar edhe si arsye për të vazhduar kauzën e tij.
Ai u shpreh shpresëdhënës se së shpejti do të jenë shumicë.
Danezët kanë një hero, Hegle, ata thonë se Helge na mbron ne edhe në gjumë. Por Helge është mitologjik, por Skënderbeu është real, është frymëzues për secilin prej nesh që të qëndrojmë në kauzën tonë të drejtë. Çdo dashuri tjetër për Skënderbeun, apo adhurim për Skënderbeun, jashtë mesazheve të tij është fake, është e rreme, është e pavlerë.
Kurse ne jemi dhe do të qëndrojmë për frymëzimin e madh që ai na jep ne që të qëndrojmë në kauza të drejta, pavarësisht nga rrethanat. Sot mund të jemi një pakicë, por ju garantoj se me persistimin tonë, ne shumë shpejt do të jemi një shumicë, një shumicë e madhe,” tha Berisha.
