Në zonat e varfëra, në brendësi të qytetit të Brukselit mbizotërojnë fenomene si privimi i të drejtave, radikalizimi, konsumi i lëndëve narkotike të cilat të kombinaura me përçmimin e shoqërisë belge ndaj arabëve kanë shkaktuar që shumë të rinj t’i shtohen radhëve të luftëtarëve në Siri dhe terroristëve në Evropë.
Secunder Kermani i BBC, pas një vëzhgimi të bërë në zonën e Molenbeekut, ka arritur në përfundimin se kjo është zona e kontraditave të mëdha.
Molenbeeku ndodhet vetëm pak minuta larg zemrës së godinës së Bashkimit Evropian, megjithatë 40% e rinisë së zonës është e papunë. Që prej sulmeve të Parisit, nëntorin e vitit të shkuar, vëmendja e mediave dhe opinionit publik ka qenë e përqëndruar në Molenbek pasi shumë prej të dyshuarve kryesor të ngjarjes jetonin pikërisht aty.
Ajo që i ka rënë në sy gazetarit të rrjetit BBC është fakti se banorët e Molenbekut kanë një lloj antipatie për gazetarët dhe ndihen të diskriminuar që vendi i tyre portretizohet si kryeqyteti i xhihadistëve në Evropë. Por në çdo prononcim të tyre për mediat mbizotëron shprehja: “Terrorizmi nuk ka lidhje me Islamizmin”.
Ata rrëfejnë për gazetarin britanik se askush prej personave që i janë bashkuar ISIS nuk vijnë nga ndonjë background fetar. Në shumë prej historive të pasqyruara në reportazhin e BBC, evidentohen rastet ë këtyre personave të cilët janë të alkoolizuar, pijnë lëndë narkotike, frekuentojnë jetën e natës dhe nuk praktikojnë rite fetare.
Me shumë zhgënjim dhe pakënaqësi banorët e Molenbekut i kanë kërkuar gazetarit që arsyet e atentateve në Evropë t’i gjejnë tek sulmet që perëndimi ndërmerr në Siri apo tek kushtet e brendshme të Belgjikës. Ata fajësojnë qeverinë belge për diskriminim dhe mungesë demokracie, deri aty saqë përballen me peripeci ekstreme edhe për të siguruar një vend pune për shkak të faktit se jetojnë në Molenbek.
BBC e mbyll reportazhin me rebelimin e një qytetari të thejshtë i cili tregon se radikalizmi nuk ka asnjë lloj lidhje me fenë. Sipas tij të rinjtë vendosen në Siri sepse duan t’i largohen realitetit të tyre. Ata janë të lodhur me këtë shoqëri.
