Një aksident ka ndodhur orët e para të kësaj të Shtune në Kavajë, ku një person ka humbur jetën.
Ky i fundit është përplasur nga një automjet.
Sipas bluve, viktima është një person ende i paidentifikuar, rreth 45 vjeç.
Autori është arrestuar.
“Specialistët për Hetimin e Krimeve në Komisariatin e Policisë Kavajë, bënë arrestimin në flagrancë të shtetasit N.S., 62 vjeç, pasi ditën e sotme, në orën 01:50, duke drejtuar mjetin, ka aksidentuar me pasojë vdekjen, një shtetas rreth 45 vjeç, ende të paidentifikuar”, thuhet në njoftimin e policisë për ngjarjen.
