Digjen dy automjete gjatë natës në Vlorë. Rreth orës 2:00 është marrë njoftim nga autoritetet se një makinë po digjej në lagjen “10 Korriku” të qytetit të Vlorës.
Zjarrfikësit së bashku me policinë kanë shkuar në vendngjarje dhe kanë mundur të shuajnë flakët që kishin përfshirë makinën tip “Fiat 500” me targa bullgare në pronësi të F.J.
Flakët kanë përshkuar dhe një makinë tip “Bezn” që ka qenë e parkuar pranë makinës tip “Fiat”. Nga këqyrja e vendngjarjes dyshohet se është zjarrvënie e qëllimshme. Policia njofton se po punon për zbardhjen e ngjarjes duke marrë dhe kamerat e sigurisë në atë zonë.
Pronarit të mjetit tip “Fiat” iu zhduk i ati disa vite më parë, i cili ishte dhe pronari i “Hotel Europa” në Vlorë.
