Kreu i Partisë Republikane Fatmir Mediu, ka folur për zgjedhjen e presidentit të ri.
Mediu theksoi se nëse nuk ka consensus mes vetë opozitës, negociatat me maxhorancën janë të kota.
“Në krye të shtetit duhet të jetë në unitet të popullit, nëse opozita nuk ka konsensus mes vete është e kotë të futet në negociata me mazhorancën.
Ne kemi negociator të përbashkët, e kam thënë kemi qenë të hapur për të pasur një proces negociator të unifikuar dhe duhet të gjejmë një kandidaturë të përbashkët. Nuk kemi fol me emrat, të cilat do të vijnë më vonmë si pasojë e seriozitetit.
Ka pasur diskutime që janë bërë më parë me PS, të cilat do të vazhdojnë, opozita është e gjitha për procesin dhe është e domosdoshme, ky proces duhet të dhurojë një emër konsensual. Duhen disa kushte që të plotësojë presidenti i Republikës të qëndrojë mbi palët dhe të jetë me integritet. Duhet t’i përgjigjet vetëm Kushtetutës dhe jo bindejve politike.
Negociatat nuk duhet të jenë përjashtuese, kurse kriteret duhen të përcaktohen qartë mbi atë që përcakton Kushtetuta për zgjedhjen e presidentit. Nëse do të kemi paragjykime nuk do të kemi një emër. Ne kemi qëndrimin tonë dhe flasim për opozitën në momentin kur vijnë kandidaturat dhe nuk ka konsensus atëherë ne do të mbajmë kritika.
Opozita ka detyrim në raport me Kushtetutën dhe ne nuk duhet të bojkotojmë procesin dhe të shikojmë nëse Edi Rama do të na dëgjojë propozimin. Kur nuk ka kandidatura dhe është e njëanshme e nuk ofron bashkëpunim, atëherë opozita të mbajë qëndrimin e vet”, tha Mediu.
