Analisti Andi Bushati komentoi akuzat e fundit të kryeministrit Edi Rama ndaj SPAK, ku sipas tij është një vegël në duart e qeverisë.
Në emisionin ‘Open’, Bushati e krahasoi SPAK me një fëmijë që ka lindur i tredhur dhe është një vegël në shërbim të pushtetit.
Sipas Bushatit SPAK nuk po sulmon Ramën, përkundrazi u shpreh ai, nga SPAK nuk pati asnjë hetim për çështjen e patronazhistëve.
Bushati: Në një demokraci perfekte është në konflikt të pastër interesi. Imagjinoni Macron të thotë që populli francez pret Marin Le Pen në burg dhe këtu nuk ndërhyn drejtësia. Por Rama bën akuza. Të njëjtën gjë i bën Ramës edhe Basha apo Berisha.
Jemi në një politikë ku të gjithë e kalojnë cakun, ku të gjithë palët luajnë jashtë fushës. Mua më shqetëson thelbi politik se ku do të dalë. Unë mendoj që ky SPAK është një vegël e partisë së Ramës. Nuk po i bie në qafë ky Ramës, po e ndihmon, Ky është SPAK që nuk pati mendere të mërej me patronazhistë.
Ky është SPAK që atë prokuror që gënjeu për faktet e vjedhjes së zgjedhjeve në Elbasan e mori në gjirinë vet. Pra ne i hedhim trutë e gomarit shqiptarëve që SPAK po i bie në qafë Rilindjes. Me fakte SPAK është një fëmijë që ka lindur i tredhur dhe është një vegël në shërbim të pushtetit.
