Ambasadorja e SHBA, Yuri Kim, gjatë fjalës së saj në Konferencën “Drejtësi në kohë sfidash”, tha se ka ardhur momenti që drejtësia e re të veprojë dhe të plotësojë standardet njësoj siç janë në Bashkimin Europian apo në SHBA.
Ajo tha më tej se nuk duhet të vazhdohet me drejtësinë e të shkuarës.
“Jam e qartë që flas troç, më lejoni të jem e qartë dhe pak jo diplomatike, çfarë është drejtësia, si duket Shqipëria kur reforma të jetë zbatuar. Ne do ta dimë që Reforma ka qenë e sukseshme, por mos quhet më e zakonshme, për këtë kemi vetingun dhe funksionet e tij, por të jetë e sukseshme që të jetë e përshtatshme që drejtuesit politik në pushtet ose jo që të thonë drejtësia futi anën time në burg. Këto nuk janë standardet e drejtësisë.
Nuk duhet të vazhdojnë me drejtësinë e të shkuarës, drejtësia që duhet të vijë në Shqipëri është ajo me standarde që janë në përputhje me BE, kjo është ajo qe njerëzit presin. Drejtësia që duhet të vijë në Shqipëri si aleate me NATO, si anëtare e ardhshme e BE, është drejtësi që ka standarde që janë në përputhje me BE, dhe SHBA, është dhe ajo që njerëzit presin, kërkesat e BE janë të qarta, mendoj që veprimet e SHBA përgjatë 31 viteve të fundit e bëjnë të qartë që mbështetja e SHBA për Reformën, janë më të forta se kurrë, po aq të qarta janë dhe pritshmëritë e njerëzve, dhe iu nxis që të veproni që të mos zhgënjeni asnjë të ri. Është koha të kërkojmë një drejtësi që është e verbër dhe e drejtë në Shqipëri”, tha Kim.
Në fakt nëse drejtësia do të vepronte sikundër e kërkon diplomatja amerikane, vështirë se do të gjeje gjyqtarë apo prokurorë që do të merrnin parasysh kërkesat apo ndërhyrjet qoftë edhe të ambasadorëve. Të paktën kjo ndodh në vendet që diplomatja i referohet kur thotë se drejtësia në Shqipëria duhet të veprojë si në BE apo SHBA.
