Deputeti Ervin Salianji i ka konsideruar si qesharake kriteret që përfshihen në dokumentin e shpërndarë dje në mbrëmje nga Enkelejd Alibeaj, në kuadrin e procesit të zgjedhjes së Presidentit të ri.
Referuar kritereve të përcaktuara nga Alibeaj në platformën e tij, Salianji tha se të thuash që kandidati për president të mos ketë qenë në politikë 5 vitet e fundit, është ti shërbesh Edi Ramës.
“Presidenti nuk ka pse të jetë një pensionist, nuk mund të vësh kritere qesharake, që kandidati për president të ketë qenë pjesë e kauzave civile, e gjitha kjo shërben për të tërhequr vëmendjen”, theksoi deputeti i PD.
Salianji tha se i duhet dhënë fund politikës së faktit të kryer.
“Dokumentet duhen diskutuar me deputetët dhe jo të publikohen dhe të bëhen fakte të kryera. Kjo lloj procedure duhet të marrë fund. Presidenti i Republikës nuk është një çështje që i intereson shqiptarëve, kur komunikohet në telefon me përfaqësues të Edi Ramës, dhe jo me deputetët e Grupit Parlamentar të PD, atëherë kjo duhet thënë”, tha Salianji.
Sipas tij, nuk ka asnjë mbledhje të Kryesisë së Grupit Parlamentar. “Nuk ka asnjë draft të Grupit Parlamentar të PD, është një dokument që ka dalë me të njëjtën formë dhe frymë si ajo që funksionte PD deri me 7 mars. U bë një mbledhje e Grupit Parlamentar që nuk pati kuorum, atëherë si mundet që minoranca ti imponohet mazhorancës? Grupi Parlamentar është një institucion i pakontestuar nga asnjë palë në PD, atëherë pse nuk mblidhet grupi parlamentar
