Vetëdorëzohet në polici i kërkuari Ibrahim Duda, 43-vjeç.
Ai ishte në kërkim prej 24 prillit, kur në lagjen nr.4 plagosi me mjet prerës (ende i papërcaktuar lloji) dy vëllezërit K. G 17-vjeç dhe D. G 16-vjeç. Duda është dorëzuar mbrëmë afër mesnatës në Komisariatin e Sarandës.
Ngjarja ndodhi pasi dy të miturit e kishin bullizuar Dudën dhe madje i kishin shtypur një qen që ai e mbante me vete.
Për këtë mësohet se 43-vjeçari ishte ankuar më parë edhe tek familjarë të të miturve, por ngacmimet kishin vazhduar.
Natën e 24 prillit, Duda, i cili është edhe përdorues i drogave të forta, i goditi dy vëllezërit pas një grindjeje mes tyre në rrugën afër Portit të Sarandës. K. G 17-vjeç u transportua në Tiranë për shkak të plagëve të marra, ndërsa vëllai i tij u mjekua në Sarandë pasi ishte dëmtuar lehtë.
