Tre punonjësit e policisë së Kavajës që u arrestuan pas vdekjes së Ilvi Metas, 31 vjeç, në një nga dhomat e izolimit, janë lënë në burg.
Gjykata e Kavajës i ka njohur me masën e sigurisë tre efektivet e arrestuar, përkatësisht Pertit Brahimaj me detyrë nënkomisar, Bexhet Berberi dhe Rushit Kola me detyrë inspektor.
Mbi të arrestuarit rëndon akuza e shpërdorimit të detyrës, për të cilën organi akuzës kërkoi masën e sigurimit personal arrest me burg dhe që u pranua nga trupi gjykues.
Ilvi Meta, sipas hetimeve, i dha fund jetës duke u vetëvarur me lidhësen e kapuçit të bluzës në ambientet e paraburgimit.
Për ngjarjen reaguan edhe familjarët të viktimës të cilët akuzuan policinë për dhunë duke refezuar të pranojnë që 31-vjeçari të jetë vetëvarë.
