Apolonia do jepet me koncesion. Paralajmërimi bëhet nga gazetari Klodian Tomorri, i cili përmes një postimi në rrjetet sociale, flet për një tjetër aferë të mundshme të qeverisë.
“Pasi grabiten Butrintin duke i zvogëluar sipërfaqen dhe duke i çuar hotelet tek gardhi, tani po behën gati të rruajnë edhe Parkun Arkeologjik të Apolonisë”, shprehet ai.
Sipas gazetarit, të gjitha të dhënat janë se po e japin me koncesion edhe Apoloninë.
“Dhe madje jo tek një fondacion jofitimprurës, por drejtpërdrejtë tek një biznes privat që do realizojë fitime. Shoqëria në fjale është krijuar sakaq”, shton ai.
“Këta duan të nxjerrin fitime nga pasuritë natyrore dhe trashëgimia kulturore. Por fitimet nuk i çojnë në shtet, por i privatizojnë. A thua se trashëgimia kulturore është vetëm e këtyre dhe ja u kanë lënë trashëgim gjyshërit. Talebanë financiare”, e mbyll reagimin e tij Tomorri.
