Ish-kryeministri Sali Berisha e quajti lajm dramatik raportin e organizatës “Reporterët pa kufij” për lirinë e medias, që e rendit Shqipërinë 20 vende më poshtë, krahasuar me një vit më parë.
“Lajmin që sollën reporterët pa kufi për një rrokullisje të Shqipërisë për lirinë e mediave, është liria e mendimit, është një lajm dramatik i paprecedentë në historinë e këtij vend. Një kupolë e mafies shtetërore dhe bizneseve të lidhura me të po mbyt fjalën e lirë në Shqipëri. Po mbyt lirinë e mediave dhe të mendimit”, tha Berisha.
“Qëndrimi i gazetarëve ndaj këtyre zhvillimeve është i papranueshëm, pasi ata presion të tmerrshëm nga qeveria, padronët e tyre, edhe lajmi dramatik që u dha për këtë zhvillim u përcoll me në mënyrën më superficiale. Unë ju bëj thirrje të krijoni sindikatat tuaj me qëllimin e vetëm që të mos mund tu dhunoj e cënojë kush në misionin tuaj. Është mision për vendin se bëni vetëm për vetën tuaj. Tirania duhet të kundërshtohet në çdo element të saj, duhet bërë çdo betejë dhe secili duhet të bëjë detyrën e tij përndryshe sot jemi tek Angola dhe Zimbave vitin tjetër do shkojmë te Koreja e Veriut dhe Rusia e Putinit ndaj dhe thirrja ime është të mbrojmë fjalën e lirë, të mbrojmë lirinë e mediave si një pasuri të paçmuar për qytetarët dhe shoqërinë dhe vendin në tërësi”, shtoi Berisha.
