” Je suis Bruxellois!” (Unë jam nga Brukseli!), deklaroi sot sekretari amerikan i Shtetit, John Kerry, i cili mbërriti në kryeqytetin belg për t’i shprehur ngushëllimet zyrtare amerikane Belgjikës, e përfshirë nga sulmet më të rënda terroriste në historinë e saj.
“Jam këtu për të shprehur ngushëllimet e mia më të sinqerta. Sulmet e Brukselit theksojnë domosdoshmërinë e kundërpërgjigjes ndaj ekstremizmit të dhunshëm me frenimin e ISIS-it”, tha Kerry edhe në një postim në Twitter.
Kerry mbërriti mëngjesin e sotëm në Bruksel, pas një vizite në Moskë ku zhvilloi bisedime me presidentin rus, Vladimir Putin për të përshpejtuar procesin e tranzicionit politik, pas një muaj armëpushimi në Siri, ku Shteti Islamik ka marrë nën kontroll territore të shumta dhe ku luftojnë një kontigjent i shumtë i xhihadistëve evropianë.
Kerry pritet të takohet me kryeministrin belg, Charles Michel dhe mbretin Filip, ndërsa vendi sapo ka kaluar tri ditë zi kombëtare.
