Jemi në fund të marsit, por në Korçë bie dëborë (Foto)

Edhe pse jemi në stinën e pranverës, qyteti juglindor i Korçës është zbardhur nga dëbora me temperatura tepër të ulta.

Prej orëve të para të së premtes, reshje të dendura bore janë regjistruar në gjithë qarkun, duke arritur trashësinë deri në 10 cm në zonat më të larta. Si rrjedhojë e reshjeve edhe njëherë qytetarët e Korçës i janë rikthyer veshjes së tyre dimërore dhe çadrave si në një ditë dimri.

Sipas të dhënave në gjithë qarkun, bora nuk ka krijuar probleme në akset rrugore, ndërsa pavarësisht rënies së saj temperaturat nuk kanë rënë çka ka bërë që ajo të shkrijë në pak orë.

Trashësia maksimale e borës ka arritur në pikën turistike të Dardhës ku janë regjistruar 10 cm borë, ndërsa më pak reshje ka pasur në Voskopojë dhe Qafë-Thanë.

Pavarësisht fenomenit të pazakontë, situata në akset dhe rrugët e gjithë qarkut raportohet normale.

 

 



PËRGJIGJU

Please enter your comment!
Please enter your name here