Një i ri është vënë në pranga nga policia e Durrësit pasi akuzohet se ka përdhunuar një grua 53 vjeçe dhe i ka vjedhur banesën.
Ka qenë kjo e fundit që ka bërë kallëzim, duke vënë në lëvizje blutë, që këtë të Enjte njoftuan arrestimin e të riut.
“Specialistët për Hetimin e Krimeve të Komisariatit të Policisë Durrës arrestuan në flagrancë shtetasin K.K., 28 vjeç, banues në lagjen Nr.18 Durrës, pasi dyshohet se ka kryer marrëdhënie seksuale me dhunë me një shtetase 53 vjeçe, banuese në lagjen Nr.9, Durrës, të cilës i ka thyer derën e banesës dhe i ka vjedhur gjithashtu edhe një shumë parash”, thuhet në njoftimin e policisë.
Materialet i kaluan Prokurorisë, për veprime të mëtejshme, shtuan të njëjtat burime.