Sonte në UEFA Europa Konferencë Ligë do të mësohet dhe çifti i parë finalist në kompeticionin më të ri të UEFA-s që do të zhvillohet në Tiranë, më 25 maj në orën 21:00, në stadiumin “AIR Albania”.
Në orën 21:00, në sfidën e dytë gjysmëfinale, Roma e Marash Kumbullës dhe e Zhoze Murinjos sonte në stadiumin “Olimpico” duan me çdo kusht finalen e Tiranës teksa përballë kanë një kundërshtar tepër të fortë si Leistëri.
Takimi i parë përfundoi me rezultatin e barabartë 1-1 dhe gjithçka është e hapur.
Në po të njëjtën orë, edhe dueli tjetër gjysmëfinal premton spektakël, ku në stadiumin “Velodrome” do të sfidohen Marseja dhe Fejnordi.
Ndeshja e parë ka përfunduar me fitoren e holandezëve me shifrat 3-2, ku edhe kjo sfidë është e hapur për të parë se cila skuadër do të mbërrijë në kryeqytetin shqiptar më 25 maj.
