Diego Longo, trajneri i Kukësit, pas ndeshjes së humbur kundër Partizanit foli për emisionin “Gol pas Goli” në Supersport: “Bëmë të njëjtat gabime, luajtëm mirë edhe në pjesën e parë por nuk vertikalizuam ashtu siç bëjmë në seancë stërvitore.
Pësojmë gola për të cilët punojmë shumë në stërvitje. Partizani ka kualitet dhe është e vështirë, nuk e kuptoj si nuk janë në garën për të fituar kampionatin, duke luftuar me Tiranën.
Në pjesën e dytë provuam shumë dhe nuk arrijmë të shënojmë nga katër metra, lojtarët dhanë maksimumin por kur humbet raste flagrante atëherë nuk di çfarë të them. Edhe te goli fillimisht goditëm shtyllën, duhet të ndryshojë ky fati i jonë”.
“Kemi punuar shumë, kemi punuar më shumë se në pjesën e parë të sezonit. Ka disa probleme, duhet të fus Bahtirin dhe Markun në rolin e sulmuesit që nuk është puna e tyre.
Nuk kemi Shkurtaj e dëmtuar, Puntus u dëmtua dhe ka pasur probleme edhe më parë. Humbën Feijaon për një muaj, tashmë që jemi pak më mirë është ky presioni, por nuk mund t’i them asgjë skuadrës”, tha Longo.
