Ekipet e kërkim- shpëtimit në Kinën qendrore kanë nxjerrë nga rrënojat pesë nga 23 personat e bllokuar në një ndërtesë pjesërisht të shembur, sipas autoriteteve të shtunën, ndërsa presidenti Xi Jinping dha udhëzime për të shpëtuar viktimat “me çdo kusht”, sipas mediave të huaja.
Ndërtesa gjashtëkatëshe në qytetin e Changsha u shemb pjesërisht të premten. Sipas autoriteteve, për shkak të shëmbjes mbeten të bllokuar 23 persona që ndodheshin në ndërtesë. Autoritetet thanë në një konferencë për shtyp se pesë personat që u shpëtuan janë jashtë rrezikut për jetën.
Sipas CCTV, hetimet paraprake zbuluan se ndërtesa kishte një restorant, një kafene, një hotel dhe disa apartamente. Qiramarrësit kishin bërë ndryshime strukturore në ambientet dhe shkaku i saktë i shembjes është ende duke u hetuar, thuhet në raport.
Pas një rritjeje të numrit të shembjeve të ndërtesave të vetë-ndërtuara në vitet e fundit, Xi tha gjithashtu se ishte e nevojshme të kontrolloheshin struktura të tilla për të hetuar çdo rrezik të fshehur.
Respektimi i dobët i standardeve të sigurisë, duke përfshirë shtimin e paligjshëm të dyshemeve shtesë dhe mospërdorimin e shufrave përforcuese të hekurit, shpesh fajësohet për fatkeqësi të tilla.
