“Sunny Hill Festival”, rikthehet këtë vit pas dy vitesh pauzë. Festivali, i cili ka bërë bujë të madhe në edicionet e mëparshme, edhe këtë vit pritet të ketë një shumëllojshmëri aktivitetesh e artistë me famë botërore.
Së fundmi janë zbuluar edhe datat se kur saktësisht do të nisë festivali, i cili kësaj radhe do të zgjasë katër ditë.
Në një postim të shpërndarë në rrjete sociale, faqja zyrtare e “Sunny Hill” njofton se festivali do të jetë më 4, 5, 6 dhe 7 gusht.
Një nga organizatorët e “Sunny Hill”, Alban Kastrati, në një intervistë për Telegrafin tha se festivali edhe në këtë vit do të jetë në qendër të rajonit, e shumë vendeve në botë.
“Në pamundësi me i zbulu gjitha detajet, mund të themi se këtë verë Prishtina do ta merr sërish gjithë vëmendjen e rajonit, Evropës Juglindore e shume vendeve të ndryshme të botës, sepse do ta kemi një edicion të festivalit i cili do të përflitet e mbahet në mend gjatë, prej gjithë atyre që do ta kenë rastin ta përjetojnë”-ka thënë ai.
Në vijim pritet që të zbulohen edhe disa prej yjeve botëror që do marrin pjesë në festival si dhe vendi ku do të zhvillohet.
