Trajneri aktual i Manchester United, Ralf Rangnick do të largohet nga Premier League, teksa pritet që të ulet në stolin e kombëtares së Austrisë. Sipas “Kurier” palët po diskutojmë mes tyre edhe detajet e fundit të marrëveshjes, teksa brenda dy ditësh do të vijë edhe njoftimi zyrtarë.
Rangnick ndërkohë nuk do të largohet nga Manchester United. Ai ka kontratë deri më 30 qershor 2024 si konsulent. Trajneri do të jetë në ndihmë të Erik Ten Hag dhe do t’i mbulojë të dyja detyrat, te “Djajtë e kuq” dhe te Austria.
Lajmi shkruhet edhe nga Sky Sport: “Një punë e re në horizont për Ralf Rangnick. Trajneri aktual i Manchester United, i cili sezonin e ardhshëm do të zëvendësohet nga Erik Ten Hag, është afër trajnerit të kombëtares austriake.
Siç raporton Sky Sports, Federata Austriake e Futbollit (OFB) ka zgjedhur Rangnick si trashëgimtarin e Franco Foda, i cili u largua nga Austria pasi nuk arriti të kualifikohej në Kupën e Botës.
Palët po punojnë për finalizimin e marrëveshjes, por tymi i bardhë është afër. Të premten në fakt do të ketë një mbledhje të komitetit ekzekutiv të OFB ku do të propozohet emri i Rangnick. Miratimi i anëtarëve të bordit është pothuajse i sigurt”.
