Këshilli i Lartë i Prokurorisë miratoi me 10 vota pro dhe asnjë kundër caktimin e Arens Çelës në postin e drejtuesit të Prokurorisë së Tiranës.
Vendimi është marrë këtë mesditë, pas shkarkimit nga Kolegji i Posaçëm i Apelimit të ish-drejtueses së prokurorisë së kryeqytetit, Elisabeta Imeraj.
Sipas vendimit të sotëm të KLP-së, Çela do të ushtrojë detyrën e përkohshme në periudhën nga data 28 Prill 2022 deri në 27 Korrik 2022.
Paralelisht, Këshilli i Lartë i Prokurorisë shpalli edhe hapjen e procedurës për emërimin e përhershëm të drejtuesit të Prokurorisë pranë Gjykatës së Shkallës së Parë, Tiranë.
Këshilli i Lartë i Prokurorisë funksionon me 10 anëtarë, pasi Sandër Beci u emërua anëtar i Gjykatës Kushtetuese.
