Një ditë pasi Kolegji i Posaçëm i Apelimit shkarkoi nga detyra Elisabeta Imerajn, sot pritet të zgjidhet kreu i ri i Prokurorisë së Tiranës. KLP pritet të caktojë një drejtues të përkohshëm në krye të kësaj prokurorie.
Në Prill 2021, Imeraj u konfirmua në detyrë nga KPK. Vendimi u ankimua në KPA nga Komisioneri Publik, me rekomandim të ONM-së. Kërkesa e Bordit të Operacionit Ndërkombëtar të Monitorimit për shkarkimin e Imerajt u mbështet dhe nga ambasadorja amerikane Yuri Kim. Çështja kaloi më pas në KPA, ku palët parashtruan kërkesat dhe argumentet e tyre. Pas disa seancave, këtë të Mërkurë, trupa gjykuese e KPA shprehu vendimin unanim për shkarkimin e Imerajt.
Elisabeta Imeraj e cilësoi në kundërshtim me ligjin vendimin e KPA-së e shkarkoi nga detyra. Imaraj ngriti dyshime se ka pasur presioneve politike dhe të vëzhguesve ndërkombëtarë në procesin ndaj saj. “Procesi i vetingut, u shpreh ajo pas vendimit të KPA, të mos shndërrohet në gjueti shtrigash”.
Avokati i Imerajt paralajmëroi ankim të vendimit në Gjykatën e Strasburgut.
