Ruslan Akhtyamov, 25 vjeçari i cili vrau dy fëmijë dhe një mësues në Rusi sot, ishte më parë në trajtim psikiatrik, sipas mediave ruse.
Agresori hyri në kopshtin e fëmijëve, i cili ndodhet në rajonin rus të Ulyanovsk, në derën e përparme, sepse nuk kishte roje në institucion.
Fillimisht ka qëlluar në drejtim të mësueses Elena Karpova, e cila në atë moment ndodhej në verandën përballë institucionit.
Krapova është transportuar me urgjencë në Spitalin e Qarkut Qendror, por fatkeqësisht ka ndërruar jetë pas plagëve të rënda.
Më pas ai hyri në kopshtin ku flinin fëmijët dhe vrau një djalë pesëvjeçar dhe një vajzë gjashtëvjeçare. Ai e ka sulmuar pastaj veten duke e qëlluar në kokë.
Ende nuk dihet motivi i këtij sulmi.
