Reperi Noizy prej vitesh ka korrur suksese të mëdha në muzikë duke u bërë një nga emrat më të pëlqyer në showbizin shqiptar.
Krahas karrierës së bujshme që ka ndërtuar si artist, duket se po kalon në një tjetër fushë.
Siç ka bërë të ditur në rrjete sociale, ai do të jetë pjesë e një seriali dhe do të luajë përkrah aktorëve të njohur shqiptarë, Blerim Destani dhe Xhevdet Jashari.
Deri më tani nuk ka ende detaje se për çfarë seriali bëhet fjalë dhe se cili është roli i Noizyt.
