Zgjedhjet brenda Partisë Demokratike vijojnë. Demokratët në 14 degë zgjedhin këtë të Shtunë kryetarët e rinj.
Komisioni i Organizimit dhe Kontrollit të Operacioneve Elektorale të Partisë Demokratike njofton se sot po zhvillohen zgjedhjet për Kryetar të PD në 14 degë.
Procesi i votimit është hapur në orën 8.00 e do të mbyllet në orën 17.00. Në rast se në Qendrat e Votimit do të ketë ende votues, procesi do të vijojë edhe pas orës 17.00. Për shtyrjen e votimit do të njoftohet Komisioni i Organizimit dhe Kontrollit të Operacioneve Elektorale i cili vendos.
Komisioni i Organizimit dhe Kontrollit të Operacioneve Elektorale fton të gjithë anëtarët e PD të degëve ku mbahen zgjedhje “të bëhen pjesë e procesit të votimit për zgjedhjen e Kryetarit të degës së tyre sipas parimit ‘një anëtar një votë’, për një Parti Demokratike më të bashkuar, më të fortë e më të hapur”.
Procesi për zgjedhjen e kryetarëve në degë vjen pas një organizimi që ka bërë grupi i Rithemelimit në të gjitha seksionet, ndërsa më herët janë zhvilluar zgjedhje në pjesën dërrmuese të degëve të PD. Më 30 Prill, PD ka njoftuar mbajtjen e Kuvendit Kombëtar.
Kandidatët për Kryetar dhe qendrat e votimit sipas degëve
