Të tjera detaje zbulohen nga grabitja e thasëve me para nga dy blinda të bankës BKT në rrugën pranë Rinasit.
Mësohet se autorët kanë qenë me dy makina. Ata kanë ndjekur makinën e blinduar që kishte me vete paratë e bankës dhe në afërsi të një universiteti që ndodhet në këtë segment rrugor, e kanë përplasur makinën e blinduar.
Pasi e kanë aksidentuar qëllimisht blindin, autorët nën kërcënimin e armëve kanë marrë paratë, shumë ende e pasaktësuar, dhe janë larguar.
Për të humbur gjurmët, autorët u kanë vënë flakën makinave të tyre të cilat janë ende duke u djegur në Bërxullë. Të gjitha këto informacione janë paraprake, nga burime të Panorama. Pritet një njoftim zyrtar nga Policia.
