Gjyqi mes Johnny Depp dhe Amber Heard vazhdon akoma dhe aktori nuk ka mbaruar ende me akuzat për ish-gruan e tij.
Ditën e djeshme Depp ka dëshmuar se si ishte marrëdhënia e tij me Heard, ku ai e akuzoi se ajo thërriste dhe bënte komente nënçmuese për të në disa raste – që më pas do të përshkallëzoheshin në debate.
Në 2015-ën Depp kërkoi kujdes mjekësor për një gisht të prerë pasi, siç pretendon ai, Amber i hodhi një shishe vodka.
“Ajo hodhi shishen e madhe dhe ajo ra në dorë të tij dhe u thye kudo”, dëshmoi Depp. “Pastaj shikova poshtë dhe kuptova se maja e gishtit më ishte prerë. Nuk e di se si ndihet kriza nervore. Por kjo është ndoshta më e afërta që kam qenë ndonjëherë”.
Heard i ka mohuar pretendimet që ish-bashkëshorti i saj ka bërë.
Johnny ka thënë para gjykatës se ai ishte abuzuar gjatë marrëdhënies së tyre, siç raporton korrespondentja amerikane Emma Murphy. Ai nganjëherë mbyllej në tualet për t’i shpëtuar sulmeve të dhunshme të Amber Heard.
Depp u shpreh se ajo kishte një ‘nevojë për konflikt, një nevojë për dhunë’ që ‘shpërthente nga askund’. Ai tha se dhuna pasonte shpesh, ndonjëherë me një shuplakë ose një shtytje nga Heard ose ajo duke i hedhur një telekomandë televizori ose një gotë verë në fytyrë.
Amber e ka akuzuar Johnny se e ka sulmuar fizikisht dhe seksualisht në shumë raste.
