Detaje të reja janë mësuar rreth ngjarjes tragjike ku humbi jetën një 24-vjeçare shqiptare e cila ishte nisur nga Italia për në Kosovë për të festuar pashkët.
Mediat italiane shkruajnë se Donika Nikollbibaj humbi jetën si pasojë e plagëve të marra nga një aksident i ndodhur në Padernello di Paese, në provincën e Trevisos në Itali.
Nikollbibaj ishte nisur me motrën e saj drejt Kosovës të shtunën ku do të kaolonin Pashkët me familjen, kur makina e tyre u përplas kokë më kokë me një kamion. Motra 25-vjeçare që udhëtonte me të ka pësuar lëndime të lehta dhe tashmë është liruar nga spitali, ndërsa transportuesi, dëshmitar i drejtpërdrejtë i aksidentit, ka shpëtuar pa lëndime.
Makina me të cilën udhëtonin dy vajzat e drejtuar për në aeroportin e Trevisos, është përplasur kokë më kokë me një kamion, rreth orës 6:30 të mëngjesit të ditës së shtunë. Makina u përplas me një kamion Iveco, i drejtuar nga një transportues venecian 35-vjeçar, që vinte në drejtim të kundërt të udhëtimit, nga Treviso në Castelfranco Veneto.
Sipas hetimeve të para të policisë së Trevisos, aksidenti është shkaktuar nga një devijim i papritur e 24-vjeçares tashmë të ndjerë që drejtonte Polo-n duke dalë në korsinë e kundërt.
