Monika Kryemadhi, kryetarja e LSI-së tha në Open se dosja e inceneratorëve është më e thellë se sa shihet. Përballë saj ishte analisti Lorenc Vangjeli, i cili i tha se opozita po merrej me Bllakon që ai e quajti njeri pa shumë peshë. Por Kryemadhi e kundërshtpoi duke i thënë se e kishte gabimd he se Bllakonuk është i shkretë dhe pa peshë në tërë atë që ka ndodhur me inceneratorët.
Për Kryemadhin Bllako, është person kyç në përgatitjen e dokumentacionin për shpronësimin e truallit për ndërtimin e inceneratorit. 446 milion lekë të reja do të përballoheshin nga Bashkia Fier.
“Pëllumb Abeshi, Armando Subashi, Alqi Bllako dhe Lefter Koka e në krye të tyre Edi Rama janë pjesë e grupit kriminal për grabitjen e parave përmes skemës së inceneratorëve”, tha Kryemadhi.
Ajo tha se Subashi do të jetë në pranga, sado ta zvarrisin, po kështu edhe Engjëll Agaçi do të ketë të njëjtin fat, tha Kryemadhi.
“Këta që përmenda më sipër do t’i zvarrisin deri sa t’i marrin atë që duan dhe më pas do të përfundojnë në pranga, ashtu si përfundoi Koka e Bllako të cilët u zvarritën të parët”, tha Kryemadhi në Opinion.
Alqi Bllako dhe Erjon Veliaj janë “loli popi” i Edi Ramës, tha Kryemadhi.
