Është arrestuar grabitësi i Postës së Kamzës, Elis Kuçi.
Policia ka arritur që të sekuestrojë edhe paratë e grabitura ditë më parë.
Kuçi arriti që të arratiset nga vendngjarja, kur për grabitjen e postës u vu në pranga një 20-vjeçar.
Sipas policies, Suçi rezulton të jetë edhe personi që ka ideuar grabitjen në Postë.
Në të njëjtën zonë ku u grabit Posta, 30-vjeçari qëlloi mbi policinë dhe më pas u arratis.
Suçi prej kohësh ishte shpallur në kërkim, por më 3 mars arriti t’i shpëtojë policies, pasi qëlloi me armë në ajër.
Elis Suçi banues në Kamëz po qëndronte pranë shkollës “Ibrahim Rugova”, teksa policia kishte shkuar për ta arrestuar.
Ai pikasi praninë e efektivëve dhe qëlloi duke u larguar pa lënë gjurmë. Fatmirësisht incidenti nuk shkaktoi pasoja për policët apo kalimtarët e rastit.
Njoftimi i policisë:
Vijon operacioni policor i koduar “Filiali 2”, i zhvilluar nga Komisariati i Policisë Nr. 5.
Kapet dhe vihet në pranga autori kryesor i vjedhjes së një shume parash, nën kërcënimin e një arme, në filialin e Postës Shqiptare.
Sekuestrohen 1 milion lekë të rinj, një aparat celular, një armë zjarri pistoletë dhe veshjet që autori dyshohet se i ka përdorur gjatë kryerjes së krimit.
Shërbimet e Komisariatit të Policisë Nr. 5, në Kamzë, në vijim të punës për goditjen e paligjshmërisë dhe kapjen e personave në kërkim, në vijim të veprimeve intensive hetimore, në bashkëpunim me Sektorin e Forcës së Posaçme Operacionale, bënë kapjen dhe arrestimin në flagrancë të shtetasit E. S., 30 vjeç, banues në Kamzë.
Më datë 18.04.2022, rreth orës 14:20, shtetasi E. S., në bashkëpunim me shtetasin A. K., 20 vjeç ( i arrestuar më parë), nën kërcënimin e një arme, kanë marrë një shumë parash në filialin e postës Shqiptare në Kamzë.
Në cilësinë e provës materiale janë sekuestruar 1 milion lekë të rinj, një aparat celular, një armë zjarri pistoletë dhe veshjet që autori dyshohet se i ka përdorur gjatë kryerjes së krimit.
Materialet procedurale i kaluan Prokurorisë pranë Gjykatës së Shkallës së Parë Tiranë, për veprime të mëtejshme.
