Nuk ka fund drama për familjen e ish-punonjësit të Policisë Arben Bilali, i cili u vra në një atentat mafioz në Tiranë, e deri tani askush nuk është gjetur fajtor për krimin e rëndë.
Drejtësia e munguar për vrasjen e tij, nuk ka nguruar që ti dënojë me 5 vite burg bashkëshorten, Matilda Billali, e cila akuzohet se ka tentuar që të dërgojë vjehrrën drejt Anglisë, duke shfrytëzuar punën e saj si punonjëse police.
Dënimi për Matilda Bilalin është konvertuar në shërbim prove. Por nuk mbaron me kaq! Kumrije Bilali, pasi u kap në tentativë për t’u larguar nga Rinasi, i dha fund jetës duke u vetëhelmuar pranë varreve të tre djemve të saj.
Përpara Arbenit, asaj i kishin vdekur dhe dy djem të tjerë, e nëna i dha fund jetës pikërisht mbi varret e tyre.
Nga ana tjetër Matilda Bilali ka ngritur akuza të forta ndaj sistemit të drejtësisë, që liroi të fortin e Myslym Shyrit, të vetmin person të arrestuar për vrasjen e bashkëshortit të saj.
